Junoon Unleashed

Waise toh zindagi raftaar se chali jaa rahi hai, kaafi masroof hain hum,

Par timepass ke liye naye tareeke aazmaate hain tumhe bhoolne ke.

Waqt be-waqt tum jo message kiya karte the,

Ab kisse pareshan karne ki aadat sooji hai?

Kya tum ab bhi Parle G ke biskut dekh kar muskuraate ho?

By the way, humne usse khaana hi chhod diya.

Pink rang mein jab koi aanchal lehrata hai…kya tumhe hum yaad aate hain?

Aaj bhi uss rang mein colour tumhara hi naam bharta hai.

Antakshri khelte ho kya ab bhi drive karte samay?

Kis se taal milate waqt smile karte ho?

Mere saath tum rains ko mehsoos karna chahate the,

Kya pata tha barsaat ab ki baar aankhon se hogi.

Na jaane kya soch kar tumne hamare saath aisa game khela?

Bewafaii ki bhi haddein tod di, yaar.

Yaad hai woh pal jab hamare har saans se waakif the?

Phir ek daur hua ki woh “what happened” mein badal gaya.

Kya uska bhi haath pakkad kar mall mein ghoomte ho?

Jo sukoon mere pehloo mein khojte the, uski baahon mein hai kya?

Wafaa aur aitbaar, dono hi humne completely ki,

Humein kya pata ki koi nautanki se paala padega.

Samundar-pahad dono se hamara kaafi gehra relationship raha hai,

Kya aaj bhi meri yaadein goonjti hain tumhare mind ki vaadiyon mein?

Coffee mein ab bhi kya do chamach cheeni daal te ho meri khatir?

Zidd thi na tumhari ki share karein, varna tum toh itni meethi nahin peete ho.

Aakhir ho kya tum; koi God toh nahin, insaan ho, mard ho, khaamiyaan hain,

Apan toh ibaadat kar baithe the yaar.

Aur ab kya kahein; sab writing-speaking ko saddiyaan beet gaye,

Kambakht tumhara ehsaas kyon nahin mit ta zehan se.

Humne na chaha kar bhi tumse ishq kar baithe,

Kya pata tha ki Love ke tum sirf dhai akshar jaante ho.

Chaliye, late ho raha hai, milte hain phir qayyamat ke roz,

Aaj ke liye tumhe still bhoolna baaqi hai.

Leave a comment

error: Content is protected !!